الملوخية

نمت فى يوم وصحيت لقتنى ......فجاة رئيس دولة عربية

حوليا شعب ووزاره و امة.....كله يهلل يهتفوا لية

سالتهم انا من امتى حاكمكوا؟....قالوا يجى كدة تسعين سنة مية

ميل عليا رئيس وزرائى ......وقال كله تمام السنة ديه

قلت تمام على ايه مش فاهم....قال نتيجة الانتخبات اهيه

بصيت للنتيجة و ضحكت....دى نتيجة ماجبتهاش فى الثانوية

قلتلوا يعنى الشعب مبسوط....قال طبعا و سجنا الواحد فى المية

قلتلوا مين دول؟قال دى معارضه....قلت ولو, تعملهم زى الحراميه؟

انا مينفعنيش الكلام ده يا عم....اعملى اجتماع مع وزير الدخلية

دخل و هو بيترعش فقلت....طلع الناس دى و عاملهم بانسانية

و نزلت متخفى وسط الشعب.....لقتهم ناس غلبانة و تعبانة وملهية

رجعت وانا مخنوق و قلتلهم.....هاتوا بسرعة وزير المالية

دخل و هو بيترعش برده فقلت...اصرف علاوة للموظفين على المهية

قالى ماينفعش يا ريس الاقتصاد ....يخرب و دى مسئولية

قلت خد من مهيتك و مهيتى....و مهية باقى الوزراةو ماتردش علية

اختفى من قدامى من الخوف و...الناس باة فرحانة و البلد مبسوطة بية

قلت خلاص فرصة اشوف....و اظبط علاقتنا الخارجية

لقيت اخوتنا كلهم بيموتوا....بمدافع امركية واسرائلية

عملت قمة وجمعت الامة و...لمات اللمة وخرجنا فى جيوش حربية

انتصارنا وقعدنا نحتفل ...لاكن مراتى انحشرت فى نص العمليه

قعدت تنادى و تنادى رحتلها ....و قلت عايزة ايه يا ولية؟

قالتلى يا راجل اصحى فوق....بطل احلام بأنا الضهرية

قلتلها انا بأت رئيس....قالت ده بيانوا تاثير التقلية

قعدت افكر شوية ,افتكرت.... دأنا صحيح اتعشات ملوخية

قلتلها يعنى كل دة حلم؟.... قالت و هلوسة و خطرفة يا عنية

قلت يالا,زى بعضوا نبأة....نعمل سوق مشتركة العشوة الجية